Хоразмда солиқ қарзлари сабаб машиналар хатланмоқда
Бу бўйича МИБ томонидан тегишли чоралар кўрилмоқда.
Мажбурий ижро бюроси Хоразм вилояти бошқармаси ва вилоят солиқ бошқармаси ҳамкорлигида тадбиркорларнинг бюджет олдида юзага келган солиқ қарздорлигини ундириш мақсадида белгиланган тартибда мажбурий ижро ҳаракатлари олиб борилмоқда.
Хусусан, олиб борилган ижро ҳаракатлари натижасида Шовот туманидаги қарздор фермер хўжаликнинг балансидаги “Izusu” русумли автобус ҳамда "KAMAZ" русумли юк машинаси белгиланган тартибда хатланди.
Шунингдек, жамиятнинг давлат бюджети олдидаги 500 миллион сўм миқдоридаги солиқ қарздорлиги ундирилиб, бюджетга йўналтирилди.
Бундан ташқари, тумандаги қарздор "О.Кумуш.Ж" фермер хўжалиги қарздорлиги юзасидан балансида бўлган BYD русумли электромобили хатланиб, жарима майдонига қўйилди.
