Навоийда коммунал қарздорликлар МИБ орқали ундирилмоқда
Натижада коммунал соҳадаги ижро ҳужжатлар қолдиғи 34,7 фоизга қисқартирилган.
Мажбурий ижро бюросининг Навоий вилоят бошқармаси ва ҳудудий бўлимлари томонидан долзарб ҳафталик давомида коммунал соҳадаги ижро ҳужжатларининг самарали ижросини таъминлаш, энергия ресурслари, сув таъминоти ва бошқарув-сервис компаниялари фойдасига қарздорликларни ундириш ҳамда шу соҳадаги ҳужжатлар сонини камайтириш юзасидан манзилли чора-тадбирлар амалга оширилмоқда.
Хусусан, ҳафталик доирасида қарздорларга нисбатан огоҳлантириш ишлари олиб борилиб, маҳаллабай ва хонадонбай ўрганишлар ўз самарасини берди.
Шунингдек, коммунал ташкилотлар билан ҳамкорликда дебитор қарздорликларни таҳлил қилиш, муаммоли қарздорлар билан ишлаш ишлари тизимли ташкил этилди.
Долзарб ҳафталик давомида, коммунал соҳага оид 421 та ижро ҳужжатлари амалда тамомланди ва 1 млрд 907 млн сўм қарздорлик ундирилди.
Энг муҳими, коммунал соҳадаги ижро ҳужжатлар қолдиғи 315 тага 34,7 фоизга қисқартирилди.
Келгусида ҳам коммунал соҳадаги ижро ҳужжатлари сонини янада қисқартириш, қарздорликларни барвақт ундириш ҳамда профилактик чоралар изчиллик билан давом эттирилади.
