Саида Мирзиёева Тошкентдаги учта театрни кўздан кечирди
Аксарият пойтахт театрларининг моддий-техник базаси давлат кўмагига муҳтожлиги қайд этилди.
Тошкентдаги 3 та театр Саида Мирзиёева томонидан кўздан кечирилди. Аксарият пойтахт театрларининг моддий-техник базаси давлат кўмагига ўта муҳтожлиги қайд этилди.
Хусусан, Муқимий номидаги академик театр, Ёшлар театри ҳамда “Арена” ётоқхонаси бинолари анчадан буён жиддий таъмирталаб ҳолатда.
“Биз ҳамма шароитни яратсаккина, репертуарлар янгиланиб туради, томошабин кўнглидан жой оладиган, долзарб мавзулардаги спектакллар саҳналаштирилади”, — деди Саида Мирзиёева.
Шу билан бирга, Алишер Навоий номидаги Давлат адабиёт музейи фаолиятига ҳам алоҳида эътибор қаратилмоқда. Музейда ноёб қўлёзмаларни рақамлаштириш ва уларни китобхонларга тақдим этиш ишлари олиб борилаётгани таъкидланди.
Маданий муассасаларни молиялаштириш масалаларини ҳал этиш учун масъул шахслар белгиланиб, вазият Саида Мирзиёева томонидан назоратга олинди.
