Трамп Эронни “раҳм-шафқат сўрашга” чақирди
АҚШ президенти Эронни музокара ва таслим бўлишга ундаб, унинг иқтисодий ҳолатини “ўлик” деб таърифлади.
АҚШ президенти Доналд Трамп Эрон раҳбариятини яна бир бор “раҳм-шафқат сўрашга” чақирди. Оқ уйда журналистлар билан суҳбат чоғида Америка етакчиси Эроннинг ҳозирги ҳолатини кескин баҳолаб, мамлакат аллақачон ҳарбий ва иқтисодий жиҳатдан оғир вазиятга тушиб қолганини таъкидлаган. Бу ҳақда ТАСС хабар берди.
Трампнинг сўзларига кўра, Эрон “ҳарбий жиҳатдан мағлуб бўлган” ва унинг иқтисодиёти “чуқур инқироз ҳолатида” экани қайд этилган. У бу вазиятни “ўлик иқтисодиёт” деб таърифлаб, Ислом Республикаси раҳбарияти муросага бориши ва таслим бўлганини тан олиши кераклигини билдирган.
“Энди улар раҳм-шафқат сўрашлари керак. Улар шунчаки: ЪБиз таслим бўлдикʼ, дейишлари керак”, — дея Трампнинг сўзларидан иқтибос келтирилган.
АҚШ президенти сўнгги ҳафталарда ҳам Эрон расмийларини бир неча бор шунга ўхшаш мазмундаги баёнотлар билан мурожаат қилиб, музокара ва таслим бўлишга чақирган. Унинг аввалги чиқишлари 10 март, 6 апрель ва бошқа саналарда ҳам қайд этилган.
