Тошкентда алиментчи ота “фол очтириш операцияси”да қўлга тушди
Маълумотларга кўра, эркак 4 йил давомида алимент тўламай келган. Натижада қарздорлик 75 млн сўмдан ошиб кетган.
Фуқаролик ишлари бўйича Шайхонтоҳур туманлараро судининг ижро варақасига кўра қарздор б.Н.дан ундирувчи Э.Қ.нинг фойдасига икки нафар фарзандлари таъминоти учун жавобгарнинг ҳар ойлик иш ҳақи ва бошқа турдаги даромадларининг 1/3 қисми миқдорида алимент ундириш белгиланган. 01.11.2022 йилдан 23.02.2026 йилга қадар алиментдан бўлган жами қарздорлиги 75.488.909 сўмни ташкил этган.
Юзага келган қарздорлик учун қарздор алиментчи ота ўзининг масъулиятини буткул унутиб, қарздорликни тўламасдан юрган. Натижада қарздорнинг оилавий шароити, оила аъзолари давлат ижрочилари томонидан ўрганиб чиқилган.
Шунда давлат ижрочиларининг ўрганиш ишларига кўра, қарздор хонадонида ғайриодатий маҳоратли “башоратчи” борлиги аниқланган.
Шундан сўнг, ходимлар тезкор тадбир режалаштирилган. Тадбирда давлат ижрочилари қарздор хонадонига “фол очтириш” учун ташриф буюрадилар. Фол очтириш пайтида ижрочилар сергак тортиб эрта тонгда “ноз уйқуси”да бўлган алиментчи отани қўлга олишади ва шу куннинг ўзидаёқ қарздор ота қамоққа юборилган.
