Трамп Эроннинг сўнгги таклифини рад этди

АҚШ президенти Доналд Трумп Эроннинг минтақавий можарони ҳал этиш бўйича сўнгги таклифини қабул қилмаслигини билдирди. Бу ҳақда у Исроилнинг Kan News журналисти Натан Гуттманга берган қисқа телефон суҳбатида маълум қилди.

 

Журналистнинг билдиришича, Трамп таклифни ўрганиб чиққанини таъкидлаб, “таклифни қабул қилиб бўлмайди”, деган. Шунингдек, у Эрон келишувга эришишга интилаётганини, аммо тақдим этилган шартлар уни қониқтирмаётганини қайд этган.

 

Kan маълумотига кўра, Трамп қўшимча изоҳларида музокаралар “жуда яхши кетмоқда”, деб баҳолаган. У, шу билан бирга, таклифда рози бўла олмайдиган жиҳатлар мавжудлигини айтган.

 

Бундан ташқари, Трамп Исроил президенти Исак Ҳерсогни Бош вазир Бинямин Нетаняхуга нисбатан жиноий иш доирасида афв қўллашга чақирган. 

 

Унинг фикрича, уруш шароитида мамлакатни бошқараётган раҳбар барча эътиборини ҳарбий ҳаракатларга қаратиши лозим.