118 та “радар”га тушган машина МИБ орқали топилди
Ҳозирда автоулов сақлаш учун жарима майдончасига жойлаштирилган.
Йўллардаги махсус автоматлаштирилган фото ва видео қайд этиш воситалари ёрдамида қайд қилинган қоидабузарлик ҳолатлари бўйича ҳайдовчиларга нисбатан маъмурий жарималар қўлланилади.
Жарималар 3 ой муддатда ихтиёрий равишда бартараф қилинмаган тақдирда ундириш учун Мажбурий ижро бюросига юборилади.
Қоидабузар ҳайдовчига нисбатан қўлланилган 118 та жарималарни ундириш тўғрисидаги ижро ҳужжатлари иш юритувга келиб тушган.
Ижро ишлари қўзғатилиб, қарздорга огоҳлантириш “SMS” хабарлар юборилган. Жарималар бартараф қилинмагандан сўнг, мажбурий ижро ҳаракатларига киришилиб, автомашинага қидирув эълон қилинган.
Қидирув ҳаракатлари натижасида автомашина топилиб, вақтинча сақлаш учун жарима майдончасига жойлаштирилган. Ҳозирда ижро ҳаракатлари давом этмоқда.
