9-май арафасида МИБнинг фахрий ходимлари ҳолидан хабар олинмоқда
Хусусан, Хоразмда фахрийларга ҳурмат ва эътибор кўрсатиш мақсадида бошқармада учрашув ташкил этилди.
Мажбурий ижро бюроси Хоразм вилояти бошқармаси ходимлари томонидан 9-май “Хотира ва қадрлаш куни” муносабати билан соҳа фаҳрийларини ва нафақадаги ходимларни хотирлаш ҳамда уларнинг ҳолидан хабар олиш тадбирлари олиб борилмоқда.
Ўз ўрнида кўп йиллар меҳнат қилиб, қатор шогирдлар етиштирган устозларнинг ҳолидан хабар олиш, уларнинг тажрибаларидан фойдаланиш ҳам алоҳида бир ўрин тутади.
Байрам муносабати билан Мажбурий ижро бюроси Хоразм вилояти бошқармаси томонидан меҳнат фахрийси Қахрамон Нурметов хонадонига ташриф буюриб, ҳолидан хабар олинди ва у билан дилдан суҳбатлашилди.
Шундан сўнг, фахрийларга ҳурмат ва эътибор кўрсатиш мақсадида бошқармада учрашув ташкил этилди. Тадбирда прокуратура соҳасида кўп йиллар давомида самарали фаолият юритган фахрий Қахрамон Нурметов билан очиқ мулоқот шаклида суҳбат олиб борилди.
Бошқармада ёш ходимлар учун ташкил этилган маънавият ва маърифат хонасида меҳнат фахрийси ёшларга яратилган шароитлар билан яқиндан танишиб, ёш ходимларга ўзининг меҳнат фаолияти, касбий ютуқлари, ҳаётий тажрибалари бўйича фойдали тавсияларини берди.
