Кремлнинг Парад режалари ўзгариб кетди

 

Марказий Осиё минтақасида мамлакат раҳбарлари 9 май кунги тадбирни бу йил Москвада эмас, уйида кутиб оладиган бўлди.

 

7 май куни ТАСС ахборот агентлиги томонидан ҳарбий парадда иштирок этадиган давлатлар рўйхати эълон қилинди. Унда 9 давлат қатнашиши ёзилган. Менимча, ростдан ҳам бу йилги парад бошқаларидан ўзгача тарзда кечади. Бу ҳақида эса, видео сўнггида билиб оласиз.

 

             

 

 

Қозоғистон, Қирғизистон, Тожикистон ва Туркманистон раҳбаларининг ҳам парадда иштирок этиши номаълум. Ҳар йили бу вақтда барча раҳбарлар парадда иштирок этишга розилиги рус медиаси томонидан баландпарвоз гаплар билан эълон қилинар эди.

 

Шу билан бирга Арманистон Бош вазири Никол Пашинян ҳам парадда иштирок этмаслигини билдирди.

 

Ҳукумат раҳбари бу қарорни 7 июнга режалаштирилган парламент сайловлари олдидан сайловолди кампанияси бошлангани билан изоҳлади.

 

“Мен апрель ойида Россияга ташрифим чоғида Россия президентига сайловолди кампанияси туфайли 9 майга мўлжалланган тадбирларда қатнаша олмаслигимни маълум қилганман”, - деган Пашинян ҳукумат йиғилишидан сўнг журналистларга.

 

Украина президенти Володимир Зеленский айрим давлатлар вакилларининг 9 май куни Москвага бориш режасига муносабат билдириб, буни “тавсия этмаслигини” айтди.

 

У Россиянинг 9 май арафасидаги сулҳ таклифига жавобан “сукут режими”ни жорий қилган эди, бироқ Россия ҳарбий ҳаракатларини тўхтатмаган. Украина эса бунга мос жавоб қайтарилишини билдирган.

 

“Россияга яқин айрим давлатлардан уларнинг вакиллари Москвада боришни режалаштираётгани ҳақида хабарлар ҳам бор. Ғалати истак... айнан шу кунларда-я. Биз буни тавсия этмаймиз”, — деди президент кечки мурожаати давомида.

 

Кремль томонидан эълон қилинга рўйхатга кўра, қизил майдондаги парадда Абхазия, Беларус, Лаос, Малайзия, Словакия, Жанубий Осетия, Серб Республикаси каби давлатларнинг раҳбалари ва ҳукуматдаги юқори лавозимдаги шахслар иштирок этади.

 

Reuters нашрининг ёзишича, 9 май куни Москвада хавфсизлик кучлари кучайтирилади. Бунга сабаб сифатида биринчи Украининг шу куни Москвага дрон ҳужуми уюштириш ҳақидаги гаплари бўлса, иккинчидан Ғарб медиаси ва турли хил раведка ташкилотлари томонидан ўша куни Путинга суиқасд ёки давлат тўнтариши режалаштирилган. Бу ҳам етмаганидек хорижий журналистларининг Москвадаги парадда қатнашиши ҳақидаги аккредитация бекор қилинган.

 

Кремль матбуот котиби Дмитрй Песков буни Украинадан кутилаётган “террорчилик таҳдиди” билан изоҳлади. Аммо у Путинга қарши кутилаётган суиқасдни рад этди.

 

Аввал хабар берганизмидек, Москвадаги қизил майдонда ўтказиладиган парадда ҳарбий техниклар иштирок этмайди. У ерда фақат аскарлар иштирок этади.

 

Москвадаги парад ҳақидаги видеони кўрмаган бўлсангиз Zamon.uz'нинг YouTube саҳифасида томоша қилинг.