“Реал Санжик” 5 йилга қамалди
Шунингдек, унга базавий ҳисоблаш миқдорининг 410 баравари миқдорида жарима тайинланди.
Бугун Мирзо Улуғбек туман судида фуқаро Санжар Каримовга оид жиноят иши юзасидан олиб борилган суд муҳокамалари якунланди.
Суд ҳукмига кўра, С.K. Жиноят кодексининг 168-моддаси 4-қисми «а» банди (фирибгарлик), 112-моддаси 1-қисми (ўлдириш ёки зўрлик ишлатиш билан қўрқитиш) ҳамда 273-моддаси 2-қисмида назарда тутилган жиноятларни содир этишда айбдор деб топилди.
Суд томонидан унга 5 йил муддатга озодликдан маҳрум қилиш жазоси ҳамда базавий ҳисоблаш миқдорининг 410 баравари миқдорида жарима жазоси тайинланди. Жазолар алоҳида-алоҳида ижрога қаратилиши белгиланди.
Шунингдек, суд ҳукмида жабрланувчи Ш.A.ga етказилган моддий зарар қоплангани эътироф этилди. Бундан ташқари, жабрланувчилар Ш.A. ва Ф.Р.гa жиноят оқибатида етказилган моддий ҳамда маънавий зарар юзасидан фуқаролик тартибида судга мурожаат қилиш ҳуқуқлари тушунтирилди.
