Иқтисодий жиноятларга қарши курашиш Департаментида British American Tobacco Uzbekistan вакиллари билан учрашув бўлиб ўтди
Ўзбекистонда бозорида тамаки маҳсулотларининг яширин айланмалари 22,4 дан 7 фоизга тушганлиги маълум қилинди.
Бош прокуратура ҳузуридаги Иқтисодий жиноятларга қарши курашиш Департаментида British American Tobacco Uzbekistan корхонасининг вакиллари билан учрашув бўлиб ўтди.
Унда, Бош прокуратура Департаменти ҳамда Алкоголь ва тамаки бозорини тартибга солиш инспекцияси раҳбарияти, British American Tobacco Uzbekistan корхонасининг вакиллари иштирок этдилар.
Учрашувда компания томонидан 1 000 дан ортиқ иш ўрни яратилгани, 18 мингдан зиёд савдо нуқталари билан ҳамкорлик йўлга қўйилгани, 530 млн АҚШ доллари инвестиция киритилгани ва экспорт ҳажми 95 млн АҚШ долларига етгани, тамаки маҳсулотларининг яширин айланмалари 22,4 дан 7 фоизга тушганлиги қайд этилди.
Шунингдек, ишлаб чиқариш қувватларини модернизация қилиш, янги турдаги маҳсулотлар ишлаб чиқаришни йўлга қўйиш, экспорт географиясини кенгайтириш ҳамда маҳаллий қишлоқ хўжалиги занжири билан алоқани йўлга қўйиш, яширин иқтисодиётни қисқартириш, ҳалол рақобат муҳитини шакллантириш ҳамда қонуний айланмани кенгайтиришга қаратилган тизимли чора-тадбирлар белгилаб олинди.
