Шоир Йўлдош Эшбекка Тошкентдан уч хонали уй топширилди
Уй калити пойтахт ҳокими томонидан топширилди.
Ўзбекистонда хизмат кўрсатган маданият ходими, шоир Йўлдош Эшбекка Тошкент шаҳри Яшнобод туманидан уч хонали квартира топширилди.
Ёзувчилар уюшмаси ахборот хизматининг маълум қилишича, мазкур уй-жой Президент топшириғига мувофиқ ажратилган. Пойтахт ҳокими Шавкат Умрзоқов шоирга янги хонадон калитларини тантанали равишда топширган.
Тадбирда ижод аҳлининг жамият маънавий ҳаётидаги ўрни, уларни қўллаб-қувватлашга қаратилган давлат сиёсати муҳим аҳамият касб этиши таъкидланди.
