Тошкентда опа укаси билан уй талашиб, 197 млн сўм ундирди

 

 

 

Тошкентнинг Учтепа туманида яшаб келган В.Ф. тақдир тақозаси билан АВҚ фуқаролигини олиб, у ерда оиласи билан яшаб, ишлашни бошлаган эди.

 

Жорий йилда у онасининг вафот этганини эшитиб, Тошкент шаҳрига келган ва онасининг номидаги уйни ўз номига расмийлаштиради.

 

Бундан хабар топган В.Ф.нинг опаси В.З. ушбу хонадонга уни ҳам улуши борлигини айтиб, ўртасида низо келиб чиқади.Опа эса буни суд орқали ҳал этишни ва ушбу уйга кириш, фойдаланиш ҳуқуқини олиш мақсадида судга даъво ариза киритади.

 

Шундан сўнг, фуқаролик ишлари бўйича Учтепа туманлараро судининг 30.04.2026 йилдаги ижро варақасига асосан қарздор В.Ф.дан ўз опаси В.з. фойдасига 197 млн 296 минг сўмлик қарзни ундириш тўғрисидаги ижро ҳужжати МИБ Учтепа туман бўлимига келиб тушади.

 

Ижро ҳаракатлари давомида, қарздорга ижро ҳужжати талабларини бажариш учун 15 (ўн беш) кунлик ихтиёрий муддат берилиб, унинг номида бўлган 1 дона кўчмас мулк борлиги аниқланиб, банд солинган.

 

МИБ Давлат ижрочилари ҳам қарздорга мажбурий ижро этиш чоралари ва уларнинг ҳуқуқий оқибатлари батафсил тушунтирилган.

 

Олиб борилган самарали тушунтиришлар натижасида, ижро ҳужжатини ўз вақтида ижро қилишнинг моҳиятини ҳамда қарздорликни тўламасликнинг салбий оқибатларини тўлиқ англаган қарздор В.Федусов опаси В.Зинкевичга ўша куннинг ўзида жами 197 млн 296 минг сўмлик қарздорликни тўлаб берган.

 

Ижро ҳужжати бўйича қарздорлик тўлиқ ундирилгач, дарҳол ундирувчи В.Зинкевичга хабар берилган.

 

Шундан сўнг, ундирилган пул маблағлари 05.05.2026 йилда фуқаро В.Зинкевич номига расмийлаштирилган пластик картасига ўтказиб берилиб, ижро иши амалда тамомланган.