Жиззахлик ота фарзандига 137 млн алимент тўлади
У 5 йиллик алимент тўловларини олдиндан амалга оширган.
Бюронинг Пахтакор туман бўлими иш юритувига фуқаролик ишлари бўйича суд буйруғига асосан, қарздор Д.ж.дан ундирувчи А.С. фойдасига бир нафар фарзанди учун алимент ундириш ҳақидаги ижро ҳужжати келиб тушган.
Ижро ҳаракатлари давомида қарздорнинг 2024 йилда ишлаш мақсадида Германия давлатига кетгани маълум бўлди.
Aлимент қарзи сабабли унга нисбатан чиқиш чеклови қўлланилган эди. Шу боис, “кейин яна чет элга чиқишда муаммо бўлмасин”, деган мақсадда у Вазирлар Маҳкамасининг 808-сонли қарори асосида фарзанди учун келгуси 5 йиллик алимент маблағини олдиндан тўлашга қарор қилди.
Натижада яқин қариндошлари орқали 137 млн сўм алимент пули бир йўла тўлаб берилди.
