Тошкент бозорларида бўялган помидорлар сотилаётгани рад этилди
Санепидқўм ходимлари томонидан пойтахтдаги барча озиқ-овқат бозорлари ўрганилди.
Ижтимоий тармоқларда Тошкент бозорларида кимёвий бўёқлар билан ишлов берилган помидорлар оммавий сотилаётгани ҳақида тарқалган хабарлар рад этилди.
Маълум қилинишича, Тошкент шаҳар Санитария-эпидемиологик осойишталик ва жамоат саломатлиги бошқармаси ходимлари томонидан пойтахтдаги барча озиқ-овқат бозорларидаги ҳолат ўрганилди.
Текширув якунларига кўра, кимёвий бўёқлар билан ишлов берилган сабзавот маҳсулотлари сотилаётгани ҳолатлари аниқланмади.
Шаҳар ҳокимлиги аҳолига озиқ-овқат маҳсулотлари хавфсизлиги масалаларига бефарқ бўлмагани ва фаол фуқаролик позицияси учун миннатдорлик билдирди.
Шунингдек, маълумотларни тарқатишдан олдин ваколатли органлардан аниқлаштириш лозимлигини, нотўғри маълумотларни тарқатиш қонунчиликка мувофиқ жавобгарликка сабаб бўлиши мумкинлигини эслатди.
