Андижонда Қўқон университети филиали талабалари овқатдан заҳарланди
Университет ошхонасида овқатланган 15 нафар талаба оммавий заҳарланиш аломатлари билан шифохонага ётқизилган.
Андижон шаҳрида жойлашган Қўқон университети Андижон филиалида бир гуруҳ талабалар овқатдан заҳарланди. Бу ҳақда Андижон вилояти Прокуратураси хабар берди.
Вилоят прокуратураси маълумотига кўра, 2026 йил 5 май куни университет ошхонасида овқатланган 15 нафар талаба оммавий заҳарланиш аломатлари билан шифохонага ётқизилган.
Ҳозирда ҳолат юзасидан Андижон шаҳар прокуратураси томонидан терговга қадар текширув ҳаракатлари олиб борилмоқда.
Қайд этилишича, текширув жараёни вилоят прокуратураси назоратига олинган бўлиб, якуни бўйича қонуний қарор қабул қилиниши таъминланади.
