Фарғонада “Соғлиқ учун 5 минг қадам” марафони ўтказилди
Вазирлик тизими вакиллари 6 та спорт тури бўйича беллашдилар.
Мактабгача ва мактаб таълими вазирлиги томонидан Фарғона вилоятида “Янги Ўзбекистон — янгича таълим” шиори остида ташкил этилган ўқув-семинар тадбирлари доирасида “Соғлиқ учун 5 минг қадам” марафони ўтказилди.
Тадбир иштирокчилари дастлаб масъуллар томонидан тантанали равишда кутиб олинди. Семинар доирасида 6 та спорт тури бўйича мусобақалар ташкил этилиб, вазирлик тизимидаги ҳудудий бўлинмалар вакиллари ўзаро беллашдилар.
Жумладан, иштирокчилар волейбол, баскетбол, футбол, стол тенниси ва шахмат каби спорт турлари бўйича куч синашди.
Шундан сўнг, тадбир иштирокчилари соғлом турмуш тарзини тарғиб этишга қаратилган “Соғлиқ учун 5 минг қадам” шиори остидаги юриш марафонида қатнашдилар.
Ўқув-семинар тадбирлари 15 май куни ҳам давом этиши режалаштирилган.
