Тошкентда тақиқланган жойда қолдирилган автомобиллар жарима майдончасига олиб кетилади
Эндиликда пиёдалар йўлаклари, бекатлар ва тўхташ ва тўхтаб туриш тақиқланган ҳудудларда қолдирилган автомобиллар эвакуация қилинади.
Тошкентда тўхташ ва тўхтаб туриш қоидаларини бузган ҳайдовчиларга нисбатан чоралар кучайтирилади. Бу ҳақда пойтахт ҳокимлиги ҳамда Йўл ҳаракатини ташкил этиш маркази маълум қилди.
Қайд этилишича, шаҳарнинг турли ҳудудларида автомобилларнинг пиёдалар йўлаклари, бекатлар, яшил ҳудудлар ва тақиқловчи белгилар ўрнатилган жойларда қолдирилиши ҳолатлари кўпайган. Мутасаддилар бундай қоидабузарликлар пиёдалар, жамоат транспорти ва ма техникалар ҳаракатига халақит бераётганини билдирган.
Айниқса, бу ҳолатлар кексалар, ногиронлиги бўлган шахслар ҳамда болали ота-оналар учун қийинчилик туғдираётгани таъкидланган.
Шу муносабат билан, эндиликда қоидабузарлик билан қолдирилган автомобиллар эвакуация қилиниб, ма жарима майдончаларига олиб кетилади.
Ҳокимликка кўра, ушбу чоралар кўчаларда тартибни сақлаш, ҳаракат хавфсизлигини ошириш ва жамоат жойларини аҳоли учун қулай ҳолга келтиришга қаратилган.
