“Ўзимни Россиядаги ўзбекдек ҳис қиляпман” — Россия фуқароси Қозоғистондаги бюрократияни танқид қилди
Олмаотада Россия фуқароси банк картаси расмийлаштириш жараёнини танқид қилган видео учун 10 суткага қамалди.
Олмаотада Россия фуқароси ижтимоий тармоқларда қўпол ва ҳақоратли сўзлар билан видео жойлаштиргани учун 10 суткага маъмурий қамоққа олинди. Бу ҳақда Ulysmedia.kz хабар берди.
Маълумотларга кўра, видео муаллифи Олмаотада банк хизматларидан фойдаланиш жараёнидаги мураккаб тартибларни ҳиссий тарзда изоҳлаб, ўзини “Россиядаги ўзбекка ўхшатган” ва жараённи танқид қилган. Унинг нутқида қўпол сўзлар ишлатилгани жамоат тартибини бузиш сифатида баҳоланган.
Мазкур ҳолат ижтимоий тармоқларда кенг муҳокамаларга сабаб бўлиб, ҳуқуқ-тартибот органлари томонидан текширув ўтказилишига сабаб бўлган.
Олмаота шаҳар ихтисослаштирилган туманлараро маъмурий суди қарорига кўра, фуқаро “майда безорилик” моддаси бўйича айбдор деб топилиб, 10 кунлик маъмурий қамоқ жазосига ҳукм қилинган.
