Саида Мирзиёева Лондон фонд биржаси бош ижрочи директори билан учрашди
Учрашувда ўзбек компанияларини глобал бозорларда фаолият юритишга тайёрлаш масалалари ҳам муҳокама қилинди.
Саида Мирзиёева Лондон фонд биржаси бош ижрочи директори Жулиа Энн Xоггетт билан учрашув ўтказди.
Маълум қилинишича, учрашув давомида Ўзбекистон Миллий инвестиция жамғармасининг Лондон фонд биржаси платформасига муваффақиятли чиқиши, шунингдек барқарор молиялаштириш, ESG стандартлари, “яшил” облигациялар ва ўзбек компанияларини глобал бозорларда фаолият юритишга тайёрлаш масалалари муҳокама қилинган.
Саида Мирзиёеванинг қайд этишича, Жулия Хоггетт Ўзбекистон Миллий инвестиция жамғармасининг ИПОси Лондон фонд биржасидаги сўнгги беш йилдаги энг йирик жойлаштирувлардан бири бўлганини таъкидлаган.
Хоггетга кўра, мазкур натижа халқаро инвесторларнинг Ўзбекистонда амалга оширилаётган ислоҳотларга бўлган ишончи ортиб бораётганини кўрсатади.
