Жиззахда МИБ орқали от эгасига олиб берилди
Маълум бўлишича, фуқаро қўрасидан чиқиб кетиб қолган отини ўзига қайтариш учун судга мурожаат қилган ва МИБ орқали ижро таъминланган.
Мажбурий ижро бюроси органлари иш юритувига баъзан қизиқарли ижро ишлари ҳам келиб туриши мумкин. Бироқ, қарор бор экан у қандай бўлмасин ва қай тарзда ижро этилишидан қатъий назар бажарилиши керак, албатта.
Инсон ва жонивор ўртасидаги меҳрни сўз билан тўлиқ ифодалаш қийин.
Жумладан, фуқаро Ф.Н.га тегишли “Тўри” лақабли от қўрадан чиқиб кетиб, Фориш тумани ҳудудидаги ўрмон хўжалиги томонга кириб қолган. Ҳолат аниқлангач, жонивор хавфсизлигини таъминлаш мақсадида ўрмон хўжалиги ходимлари томонидан вақтинча сақловга олинган.
Шундан сўнг отнинг эгаси қонуний тартибда судга мурожаат қилди. Суд қарори асосида Мажбурий ижро бюросининг Фориш туман бўлимига “Тўри”ни ўз эгасига олиб бериш ҳақида ижро ҳужжати келиб тушган.
Олиб борилган ижро ҳаракатлари давомида “Тўри” лақабли от эгаси Ф.Н.га топширилди ва ижро ҳужжатининг ижроси тўлиқ таъминланди.
Айтишларича, от эгасини кўрган заҳотиёқ унга интилган ва ўзини тинчлантирган.
