Жиззахда солиқдан қарздорларнинг мулклари хатланмоқда
Шу тариқа машиналар аукцион орқали сотилиб, қарздорликлар қопланмоқда.
Солиқларни ўз вақтида тўлаш — нафақат қонуний мажбурият, балки мамлакат иқтисодий барқарорлигига қўшиладиган муҳим ҳиссадир. Солиқ қарздорлигини кечиктириш эса жиддий ҳуқуқий оқибатларга олиб келиши мумкин.
Жумладан, Мажбурий ижро бюроси Фориш тумани бўлими иш юритувига “П.г.” МЧЖнинг 60 миллион сўм солиқ қарздорлигини ундириш ҳақидаги ижро ҳужжатлари келиб тушган.
Олиб борилган ижро ҳаракатлари давомида жамиятга тегишли “Labo” русумли автомашина хатловга олинди. Амалдаги қонунчиликка мувофиқ, қарздорлик белгиланган муддатда ихтиёрий тартибда қопланмаган тақдирда, қарздорнинг мол-мулки хатлов қилиниб, аукцион савдоларига чиқарилиши мумкин.
Мазкур ҳолатда ҳам автомашина аукцион орқали сотилиб, тушган маблағлар ҳисобидан мавжуд солиқ қарздорлиги қопланиши белгиланган.
