Андижонда кредит қарзи сабаб “Equinox” хатланди
Маълум бўлишича, фуқаронинг банкдан 275 млн қарзи бўлган.
Кредит шартномаси - икки томоннинг масъулиятли келишуви. Аммо қарз ўз вақтида қайтарилмаса, унинг оқибати гаров мол-мулки орқали қопланиши муқаррар.
Шу каби ҳолат бўйича Мажбурий ижро бюроси Андижон вилояти бошқармаси иш юритувига чет эл капитали иштирокидаги “Hamkorbank” АТБ фойдасига қарздор М.Д.дан жами 275 млн сўм ундириш ҳақида суд ҳужжати келиб тушди.
Суд қарорига мувофиқ, ундирув қарздорга тегишли гаровдаги “Equinox” русумли автотранспорт воситасига қаратилган.
Қарздор томонидан мажбурият бажарилмагани учун ижро ҳаракатлари олиб борилиб, “Equinox” автомашинаси хатланган.
Ҳозирда ушбу автомашина электрон онлайн-аукционга сотувга қўйилган. Савдодан тушган маблағ тўлиқ қарзни қоплашга йўналтирилади.
