Фарғонада фуқаро 88 млн жаримаси сабаб иккита машинасидан айрилди
У машиналари жарима майдончасига жойлаштирилгандан сўнггина жаримани тўлашга мажбур бўлган.
МИБ Учкўприк тумани бўлими томонидан қарздор б. Ғ.га нисбатан “CH.A.MOTORS” МЧЖ фойдасига тегишли 2025 йил 15 августдаги 2 та ижро ҳужжати бўйича мажбурий ижро ҳаракатлари амалга оширилди.
2025 йил 19 август куни ижро иши қўзғатилди. Давлат ижрочилари томонидан тезкор ва қатъий чоралар кўрилиб, қарздорга тегишли 2 та автотранспорт воситаси аниқланди.
Автотранспорт воситалари қимматбаҳо Jetour X70 Plus бўлиб, ушбу транспорт воситалари жарима майдонига олиб кирилди.
Шундан сўнг 88 385 100 сўм қарздорлик ва 4 419 255 сўм ижро йиғими тўлиқ ундирилиб, ижро иши амалда таъминланган.
