Наманганда 1 ёшли чақалоқ ҳожатхонага тушиб кетди
Ҳодисага эҳтиётсизлик ва назоратдан четда қолгани сабаб бўлган.
Фавқулодда вазиятлар вазирлиги маълумотига кўра, ҳодиса кеча, 22 май куни соат 18:47 атрофида туманнинг «Муборак» маҳалла фуқаролар йиғини ҳудудида содир бўлган.
Қайд этилишича, 2025 йилда туғилган ўғил бола эҳтиётсизлик ва назоратдан четда қолгани сабабли яшаш уйининг ҳовлисидаги ҳожатхонага тушиб кетган.
Ҳодиса жойига Фавқулодда вазиятлар вазирлиги қутқарувчилари зудлик билан етиб бориб, қутқарув ишларини бошлаган. Қутқарувчилардан бири ҳожатхона чуқурига тушиб,
болакайни олиб чиққан.
Шифокорлар томонидан болага бирламчи тиббий ёрдам кўрсатилганидан сўнг у яқинларига топширилган. Ҳозирда боланинг аҳволи яхши экани маълум қилинди.
Аввалроқ Самарқанд вилоятида ҳам шунга ўхшаш ҳолат кузатилиб, Фавқулодда вазиятлар вазирлиги қутқарувчилари томонидан ҳожатхонага тушиб кетган бола қутқарилгани хабар қилинган эди.
