Ўзбекистон Президенти Хитой раисига ҳамдардлик йўллади
Хитойдаги кўмир конида юз берган газ портлаши оқибатида 90 киши ҳалок бўлган.
Ўзбекистон президенти Шавкат Мирзиёев Хитойнинг Шанси провинциясидаги кўмир конида юз берган портлаш оқибатида кўплаб инсонлар ҳалок бўлгани ва жароҳатлангани муносабати билан ХХР раиси Си Цзиньпинга ҳамдардлик йўллади.
Президент матбуот хизматига кўра, давлат раҳбари ҳалок бўлганларнинг оила аъзолари ва яқинларига сабр-тоқат тилаб, жароҳат олганларнинг тез фурсатда соғайиб кетишини тилаган.
Провинциянинг Қинюан округида жойлашган “Лушеню” кўмир конида юз берган газ портлаши оқибатида 90 киши ҳалок бўлди.
Ҳодиса 22 май куни маҳаллий вақт билан соат 19:29 да содир бўлган. Портлаш пайтида конь ҳудудида жами 247 нафар ишчи бўлган.
