Қурбон ҳайити куни Тошкентда жамоат транспорти соат 04:00 дан ҳаракатни бошлайди
Фуқароларга тирбандликларни олиш мақсадида жамоат транспортидан фойдаланиш тавсия қилинди.

Қурбон ҳайити муносабати билан 27 май куни Тошкент шаҳрида жамоат транспорти эрта тонгдан иш бошлайди. Бу ҳақда Транспорт вазирлиги хабар берди.
Маълум қилинишича, пойтахт аҳолиси ва меҳмонларига қулайлик яратиш мақсадида автобус йўналишлари ҳамда Тошкент метрополитени соат 04:00 дан ҳаракатни бошлайди.
Шунингдек, йўлларда тирбандликларнинг олдини олиш ва ҳаракат хавфсизлигини таъминлаш мақсадида фуқаролардан Қурбон ҳайити намозига ташриф буюришда жамоат транспортидан фойдаланиш сўралган.








