Фарғонада МИБ орқали келин сепларини қайтариб олди
Ижро ҳаракати давомида 63 млн сўмлик мол-мулк қайтарилган.
ФИБ Марғилон туманлараро судининг 12.05.2026 йилдаги ижро варақасига асосан Бюронинг Тошлоқ туман бўлими томонидан ижро ҳаракатлари амалга оширилди.
Ижро ҳужжатига кўра, жавобгар Р.Ҳ. томонидан яшаш манзилида сақланаётган ҳамда фойдаланилаётган мол-мулкларни қонуний эгаси Н.А.га топшириш белгиланган.
Олиб борилган ижро ҳаракатлари давомида даъвогар томонидан кўрсатилган уй-рўзғор жиҳозлари, болалар анжомлари, кийим-кечаклар ва бошқа маиший буюмлар хатлов қилиниб, рўйхатга олинди.
Натижада умумий қиймати 63 365 000 сўмлик 50 турдаги мол-мулклар қонуний эгасига топширилиши таъминланган. Ижро ҳаракатлари қонун талаблари асосида, белгиланган тартибда амалга оширилди.
