Исроил Бош вазири Нетаняху касалхонага ётқизилди
У Қуддусдаги Хадасса Эйн Керем тиббиёт марказига олиб кетилган.
Исроил Бош вазири Бенямин Нетаняху Қуддус шаҳрида жойлашган тиббиёт муассасасига ётқизилди.
“Times of Israel” нашрининг Исроил Бош вазири девонига таяниб хабар беришича, Нетаняху 25 май куни кечқурун Қуддусдаги Хадасса Эйн Керем тиббиёт марказига олиб кетилган.
Маълумотларга кўра, Исроил ҳукумати раҳбари ҳозирда шифокорлар назоратида бўлиб, унга аниқланмаган стоматологик тиббий муолажа ўтказилмоқда. Расмий баёнотда унинг ҳолати барқарор экани, зарур тиббий ёрдам кўрсатилаётгани қайд этилган.
Шу билан бирга, нашрлар Нетаняхунинг соғлиғи сўнгги йилларда жамоатчилик ва оммавий ахборот воситалари томонидан мунтазам кузатиб келинаётганини таъкидлайди. Фуқаролар орасида унинг соғлиғи бўйича турли тахминлар ва саволлар ҳам пайдо бўлган.
Аввалроқ Исроил Бош вазири простата безида аниқланган хавфли ўсма сабабли жарроҳлик амалиётини бошдан кечирган эди. Шифокорлар мунтазам текширувлар давомида кичик ўлчамдаги ўзгаришни аниқлаган ва у муваффақиятли олиб ташланган.
Бундан ташқари, Нетаняхуга илгари юрак стимулятори ўрнатилгани ҳам маълум қилинган.
