Саида Мирзиёева Австрия парламентида кенгаш раислари билан учрашув ўтказди
Учрашувларда Ўзбекистон ва Австрия ўртасидаги ҳамкорликни кенгайтириш масалалари муҳокама қилинди.
Австрия парламентида Саида Мирзиёева Федерал кенгаш раиси Маркус Штоттер ҳамда Миллий кенгаш раиси Валтер Розенкранс билан учрашувлар ўтказди.
Учрашувлар давомида икки томонлама муносабатларнинг бугунги ҳолати ва истиқболлари, шунингдек, ўзаро манфаатли йўналишларда ҳамкорликни кенгайтириш масалалари юзасидан фикр алмашилди.
Мулоқот чоғида Ўзбекистонда амалга оширилаётган ислоҳотлар, хусусан, жамиятни демократлаштириш ҳамда давлат бошқарувини модернизация қилиш жараёнларига алоҳида эътибор қаратилди.
