Ўзбекистонлик болалар футбол бўйича жаҳон чемпиони бўлди
Тошкент шаҳридаги 22-сонли меҳрибонлик уйи тарбияланувчилари дунёнинг 35 та жамоаси иштирок этган нуфузли мусобақада иштирок этиб, ғалаба билан қайтишди.
Бугун, 2 июн куни Ислом Каримов номидаги Тошкент халқаро аеропортида Полша шаҳрида ўтказилган футбол мусобақасида ғалаба қозониб, жаҳон чемпиони бўлиб қайтган болалар тантанали равишда кутиб олинди. Бу ҳақида тадбирда иштирок этган Zamon.uz мухбири хабар бермоқда.
Маълумотларга кўра, Полша Республикасининг Варшава шаҳрида Меҳрибонлик уйлари тарбияланувчилари ўртасида ўтказилган футбол бўйича ХИ жаҳон чемпионатида Ўзбекистон жамоаси улкан ғалабага эришган.
Тошкент шаҳар 22-сон Меҳрибонлик уйи тарбияланувчиларидан ташкил топган жамоа дунёнинг 35 та жамоаси иштирок этган нуфузли мусобақада муносиб иштирок этган.
Футболчилар 7 та учрашувда ғалаба қозониб, финал босқичига йўл олди ва ҳал қилувчи баҳсда ҳам зафар қучиб, жаҳон чемпиони деган шарафли номга сазовор бўлган.
Натижада Ўзбекистон жамоаси Меҳрибонлик уйлари тарбияланувчилари ўртасидаги футбол бўйича ХИ жаҳон чемпионатининг мутлақ ғолибига айланган.
Бугун эрта тонгда Ижтимоий ҳимоя миллий агентлиги ҳамда ҳамкор ташкилотлар вакиллари томонидан чемпион спортчилар Тошкент шаҳридаги Ислом Каримов номидаги Тошкент халқаро аеропортида тантанали равишда кутиб олинди.
Кутиб олиш маросими давомида спортчиларга Ижтимоий ҳимоя миллий агентлигининг эсдалик совғалари топширилди ҳамда уларнинг эришган юксак натижалари муносиб эътироф этилди.
