Саида Мирзиёева Австрия Федерал канцлери билан учрашди
Кристиан Штокер билан Ўзбекистон–Европа ҳамкорлиги муҳокама қилинди.
Ўзбекистон Президенти администрацияси раҳбари Саида Мирзиёева Кристиан Штокер билан учрашув ўтказди.
Мирзиёеванинг маълум қилишича, мулоқот чоғида Ўзбекистон ва Австрия ўртасидаги муносабатларни ривожлантириш, сиёсий мулоқотни мустаҳкамлаш, шунингдек, савдо-иқтисодий ҳамда маданий-гуманитар ҳамкорликни кенгайтириш масалалари муҳокама қилинган.
Томонлар, шунингдек, Ўзбекистоннинг Европа Иттифоқи билан алоқалари ҳамда қўшма лойиҳаларни амалга оширишнинг янги имкониятлари юзасидан фикр алмашган.
Ўзаро ишонч ва ҳурмат руҳидаги шерикликни янада кенгайтиришдан ҳар икки томон ҳам манфаатдор экани таъкидланди.
