Ўзбекистон ва Саудия Арабистони гиёҳвандликка қарши кураш масалалари бўйича икки томонлама учрашув ўтказди
Томонлар гиёҳвандликка қарши курашишда ҳамкорликни кучайтириш, тажриба алмашиш ва мутахассислар малакасини ошириш бўйича келишувга эришди.
Ўзбекистон делегацияси томонидан БМТнинг Уюшган жиноятчилик ва одил судлов бўйича комиссияси 35-сессияси доирасида халқаро ташкилотлар хорижий ҳамкор давлатлар билан трансмиллий наркожиноятларга ва ўқотар қуролларнинг ноқонуний муомаласига қарши курашиш соҳасидаги ҳамкорликни янада жадаллаштиришга қаратилган қатор музокаралар олиб борилмоқда.
Маълум қилинишича, Саудия Арабистони Қироллиги делегацияси билан илк маротаба гиёҳвандлик воситаларининг ноқонуний муомаласига қарши кураш масалаларига бағишланган икки томонлама учрашув ташкил этилди.
Унда қарши курашиш йўналишида икки томонлама Ҳукуматлараро битим тузиш, маълумот ва тажриба алмашиш, янги лойиҳалар ишлаб чиқиш, шунингдек, соҳа ходимларининг малакасини оширишга қаратилган ўқув курслари, тренинглар ташкил этиш бўйича келишувга эришилди.
