Марказий Осиёдаги илк бепул медиа банк ишга туширилди
Aura .uz платформасида 12 мингдан ортиқ профессионал фото, видео ва инфографик материаллар жамланган бўлиб, база ҳар куни янги контентлар билан бойитиб борилмоқда.
Ўзбекистонда визуал контентлар жамланган Aura.uz медиа платформаси фаолият юритмоқда. Платформада мамлакатнинг тарихий обидалари, табиий масканлари, замонавий шаҳарлари, миллий анъаналари, спорт ва маданий ҳаётига оид фото, видео ҳамда инфографик материаллар тўпланган.
Маълум қилинишича, ҳозирда платформа базасида 12 мингдан ортиқ профессионал фото, видео ва инфографик материал мавжуд. Шунингдек, серверларда 6 терабайтдан зиёд маълумотлар базаси шакллантирилган.
Платформа мунтазам равишда янги материаллар билан бойитиб борилмоқда. Ўртача ҳар куни 200 га яқин янги контент жойлаштирилиши қайд этилган.
Аura.uz'дан журналистлар, блогерлар, дизайнерлар, SMM мутахассислари ва бошқа контент яратувчилари фойдаланиши мумкин. Материаллар HD, Full HD ва 4K форматларида тақдим этилади.
