Олмалиқ шаҳар ҳокими Нурафшонга тайинланди
Вилоят ҳокими тавсиясига кўра янги тайинлов амалга оширилди.
Тошкент вилоятининг Нурафшон шаҳрида Халқ депутатлари шаҳар Кенгашининг навбатдан ташқари сессияси бўлиб ўтди. Унда ташкилий масала кўриб чиқилиб, шаҳар ҳокими лавозимига янги раҳбар тайинланди. Бу ҳақда вилоят ҳокимлиги матбуот хизмати хабар берди.
Сессияда Тошкент вилояти ҳокими Зоир Мирзаев иштирок этиб, шаҳарни ижтимоий-иқтисодий ривожлантириш бўйича устувор вазифалар юзасидан маъруза қилди.
Тақдим этилган номзодга кўра, ҳозирга қадар Олмалиқ шаҳар ҳокими вазифасида ишлаб келган Қобил Муродқулович Ҳамдамов Нурафшон шаҳар ҳокими этиб тасдиқланди.
Эслатиб ўтамиз, аввалроқ Нурафшон шаҳар ҳокими Илҳом Қиличхонов бошқа вазифага ўтиши муносабати билан лавозимидан озод этилгани ҳақида хабар берилган эди.
