Қўнғиротда МИБ тадбиркорнинг 2,3 млрд сўм қарзини ундирди
Ташкилотнинг 4 та машинаси ва 1 та кўчмас мулкига тақиқ ўрнатилгач, МЧЖ қарзни тўлашга мажбур бўлган.
Нукус туманлараро иқтисодий судининг 2026-йил 13-апрел кунги ижро хужжатига асосан, қарздор “КУГРАД ЛЕСТОРГ” МЧЖдан ундирувчи “СИРДАРЁ ФРЕШ ТРЕАДИНГ” МЧЖ фойдасига 2 млрд 326 млн сўм ундириш белгиланган.
Ушбу ижро ҳужжати Мажбурий ижро бюроси Қўнғирот туман бўлими иш юритувига келиб тушиб, бўлим ходимлари томонидан ижро ҳаракатларига киришилган.
Хусусан, қарздор "Кунград Лесторг" МЧЖнинг банк ҳисоб рақамлари хатловга олиниб, унга электрон инкассо қўйилган, шунингдек қарздорга тегишли жами 4 та автотранспорт воситалари ва 1 та кўчмас мулкига тақиқ ўрнатилган.
Шунинг натижасида, 2,3 млрд сўмдан ортиқ пул маблағлари жорий йилнинг 21-май куни тўлиғи билан ундирилиб, ундирувчи "СИРДАРЁ ФРЕШ ТРЕАДИНГ" МЧЖнинг ҳисоб рақамига ўтказиб берилиб, суд қарори ижроси амалда таъминланган.
