Самарқандда МИБ орқали қидирувдаги машина топилди
Фуқари банкдан қарзини тўламай, эгалигидаги автомашинани яшириб келган.
Мажбурий ижро бюроси вилоят бошқармаси иш юритувига Фуқаролик ишлари бўйича Паяриқ туманлараро судининг ижро варақасига асосан қарздор фуқарога нисбатан ижро ҳужжати келиб тушган.
Мазкур ҳужжатга мувофиқ, ундирувчи банк фойдасига 330 миллион сўм миқдоридаги қарз ундириш белгиланган.
Қарздор томонидан белгиланган ихтиёрий муддат мобайнида ижро ҳужжати талаблари бажарилмагани туфайли, амалдаги қонунчиликка асосан, унга тегишли бўлган “Траcкер 2” русумли автотранспорт воситасига қидирув эълон қилинди.
Шундан сўнг, бошқарманинг қидирув шўбаси ходимлари томонидан амалга оширилган тезкор ҳаракатлар натижасида қарздорга тегишли ушбу автотранспорт воситаси яқинларига тегишли дала ҳовлига яшириб қўйилганлиги аниқланди.
Ҳозирда ушбу транспорт воситаси белгиланган тартибда вақтинча сақлаш учун жарима майдонига жойлаштирилди ва ижро ҳужжати ижросини таъминлаш бўйича белгиланган тартибдаги ҳаракатлар давом эттирилмоқда.
