Тошкент вилоятида қарздорнинг машинаси хатланди
Энди қарздор қарздорлигини бартараф этмаса, автомашина ауционга қўйилиши мумкин.
Мажбурий ижро бюроси Тошкент вилояти Ўрта чирчиқ туман бўлими иш юритувига солиқ ва бошқа турдаги қарздорлиги бўйича қарздор “Ҳ.Агро” фермер хўжалигидан ундирувчи “ДСИ" фойдасига 344 327 653 млн сўм солиқ ва бошқа турдаги қарздорликларни ундириш ҳақидаги ижро ҳужжатлари келиб тушган.
Ижро ҳужжатлари талабини ўз муддатида бажариши ҳақида қарздор огоҳлантирилган ва тушунтириш ишлари олиб борилган.
Бироқ белгиланган муддатларда қарздор томонидан солиқдан бўлган қарздорлик тўланмаганлиги сабабли, Бюронинг Тошкент вилояти қидирув ходимлари томонидан қидирувга берилган “Волксwаген" русумли автомашинаси топилиб, давлат ижрочисига кейинги ижро ҳаракатларини амалга оширишлик учун топширилди ва рўйхатга олиниб, хатланди.
