Тошкентда МИБ орқали сувдан 7,6 млрд сўмлик зарар ундирилди
Шу тариқа ижро иши тамомланиб, қарздорлик тўлиқ қоплаб берилди.
Мажбурий ижро бюросининг Яккасарой туман бўлими томонидан йирик миқдордаги қарздорликни ундириш бўйича олиб борилган мажбурий ижро ҳаракатлари натижасида давлат манфаатлари таъминланди.
Жумладан, Тошкент туманлараро иқтисодий судининг ижро варақасига асосан қарздор “П” корхонадан ундирувчи “ТОШКЕНТ ШАҲАР СУВ ТАЪМИНОТИ” АЖ фойдасига жами 10 млрд 664 млн 640 минг сўм миқдорида етказилган зарарни ундириш белгиланган.
Мазкур ижро ҳужжати Бюронинг Яккасарой туман бўлими иш юритувига келиб тушгач, қонунчилик талабларига мувофиқ ижро иши қўзғатилиб, қарздорга ихтиёрий муддат берилган ҳамда тегишли талабномалар юборилган.
Шундан сўнг давлат ижрочиси томонидан қарздорнинг мол-мулкларини аниқлаш ва хатлаш бўйича мажбурий ижро ҳаракатлари олиб борилган. Кўрилган таъсир чоралари натижасида қарздор корхона томонидан 2026 йил 3 июн куни қолдиқ 7 миллиард 326 миллион 276 минг 168 сўм маблағ тўлиқ тўлаб берилди.
Натижада сув таъминоти хизматларидан юзага келган 7 миллиард сўмдан ортиқ қарздорлик тўлиқ қопланиб, суд ҳужжати ижроси амалда таъминланди ва ижро иши тамомланди.
