АҚШ Эроннинг ҳарбий обектларига зарбалар берди
Вашингтон Аpache вертолёти билан боғлиқ ҳодисага жавобан янги ҳарбий амалиёт ўтказди.
АҚШ ва Эрон ўртасидаги кескинлик яна кучайди. АҚШ маъмурияти Ҳормуз бўғози яқинида AH-64 Apache вертолёти билан боғлиқ ҳодисадан сўнг Эрон ҳудудидаги қатор ҳарбий обектларга зарбалар берганини маълум қилди. Бу ҳақда Peuters хабар берди.
АҚШ президенти Доналд Трамп ушбу ҳаракатни Американинг ҳарбий йўқотишларига жавоб сифатида изоҳлаб, Вашингтон бундай ҳодисаларни жавобсиз қолдирмаслигини таъкидлаган.
Маълумотларга кўра, зарбалар Эроннинг ҳаво мудофааси тизимлари, радар стансиялари ҳамда учувчисиз аппаратларни бошқариш инфратузилмасига қаратилган. Хусусан, Ҳормуз бўғози яқинидаги бир қатор ҳарбий обектлар нишонга олинган.
Эрон оммавий ахборот воситалари мамлакат жанубидаги айрим ҳудудларда портлашлар содир бўлганини хабар қилган. Тasnim агентлиги маълумотига кўра, портлашлар Ҳормозгон вилоятидаги Сирик ва Минаб шаҳарлари, шунингдек, Қешм ороли атрофида эшитилган.
Эрон Ташқи ишлар вазири Аббос Ароқчи АҚШ ҳаракатларини кескин қоралаб, Теҳрон бундай ҳужумларни жавобсиз қолдирмаслигини маълум қилган. У ижтимоий тармоқлардаги баёнотида Эрон қуролли кучлари мамлакат хавфсизлигига қарши қаратилган ҳар қандай таҳдидга муносиб жавоб қайтаришини таъкидлаган.
Эслатиб ўтамиз, Трамп Эрон АҚШ ҳарбий вертолётини уриб туширганини маълум қилган эди.
