Фарғонада солиқ қарзи сабаб корхона биноси хатланди
Корхонанинг солиқ қарзи 700 млн сўмни ташкил этган.
Мажбурий ижро бюроси Фарғона шаҳар бўлими иш юритувида бўлган ижро ҳужжатларига асосан, қарздор “Қ.И.” МЧЖнинг давлат бюджети олдидаги солиқ қарзи қарийб 700 миллион сўмни ташкил этган.
Қарздорликни ихтиёрий равишда тўлаш учун берилган имкониятдан фойдаланилмагани сабабли давлат ижрочилари томонидан мажбурий ижро ҳаракатлари ўтказилди.
Ижро тадбирлари давомида корхонага тегишли бино ва иншоотлар хатланди, шунингдек, қарздор тасарруфидаги Damas русумли автотранспорт воситаси ҳам хатловга олинди.
Эндиликда хатланган мол-мулклар белгиланган тартибда баҳоланиб, қарздорликни қоплаш мақсадида реализация қилиниши мумкин.
Мазкур ҳолат давлат бюджети олдидаги мажбуриятларни ўз вақтида бажармаслик қандай оқибатларга олиб келиши мумкинлигини яна бир бор намоён этди.
