Жиззахда ходим МИБ орқали ишга қайта тикланди
Шу тариқа ходимнинг бузилган меҳнат ҳуқуқлари тикланди.
Мажбурий ижро бюросининг Зарбдор туман бўлими иш юритувида фуқарони ишга тиклаш тўғрисидаги ижро ҳужжати мавжуд бўлиб, мазкур ижро ҳужжати юзасидан қонунчиликда белгиланган тартибда ижро ҳаракатлари амалга оширилди.
Ижро ҳаракатлари давомида қарздор ташкилот масъулларига суд ҳужжатларини ўз вақтида ва ихтиёрий равишда бажариш зарурлиги тушунтирилди ҳамда қонун талаблари юзасидан огоҳлантиришлар берилди.
Олиб борилган амалий чора-тадбирлар натижасида суд қарори тўлиқ ижро қилиниб, фуқаронинг бузилган меҳнат ҳуқуқлари тикланди ва у аввалги иш жойига қайта ишга қабул қилинди.
