ДХХ кубоги: Тошкент шаҳар босқичига қуръа ташланди
Мазкур босқичда катта футбол йўналишида 192 нафар, мини-футбол бўйича эса 120 нафар ўғил болалар ва 120 нафар қизлар ғолиблик учун кураш олиб боради.
Давлат хавфсизлик хизмати кубоги мусобақасининг Тошкент шаҳар босқичига қуръа ташлаш маросими бўлиб ўтди. Тадбир давомида мусобақанинг туман босқичлари сарҳисоб қилиниб, унда 15 мингдан ортиқ ёш футболчилар иштирок этгани таъкидланди.
Қайд этилишича, мусобақа нафақат иштирокчилар, балки уларнинг ота-оналари, яқинлари ва минглаб мухлисларни ҳам бирлаштириб, ҳудудларда катта спорт байрамига айланди.
Эндиликда Тошкент шаҳар босқичида ёш футболчилар ўз маҳоратини намойиш этадилар.
Мазкур босқичда катта футбол йўналишида 192 нафар, мини-футбол бўйича эса 120 нафар ўғил болалар ва 120 нафар қизлар ғолиблик учун кураш олиб боради.
Қуръа ташлаш маросимини Ўзбекистон Профессионал футбол лигаси вакили Шерзод Ражабов олиб борди. Унга кўра, ҳар бир йўналишда 12 тадан жамоа иштирок этади ва қуръа натижасида 6 тадан жуфтлик шакллантирилди.
Қизлар ўртасидаги мини-футбол жуфтликлари:
Учтепа – Янгиҳаёт
Яккасарой – Яшнобод
Шайхонтоҳур – Миробод
Олмазор – Чилонзор
Бектемир – Мирзо Улуғбек
Сергели – Юнусобод
Ўғил болалар ўртасидаги мини-футбол жуфтликлари:
Мирзо Улуғбек – Сергели
Учтепа – Яшнобод
Олмазор – Юнусобод
Шайхонтоҳур – Яккасарой
Бектемир – Миробод
Янгиҳаёт – Чилонзор
Футбол бўйича жуфтликлар:
Сергели – Миробод
Янгиҳаёт – Учтепа
Чилонзор – Олмазор
Шайхонтоҳур – Яшнобод
Яккасарой – Юнусобод
Мирзо Улуғбек – Бектемир
Шу тариқа, ДХХ кубогининг Тошкент шаҳар босқичида иштирок этувчи жамоалар ўз рақибларини билиб олди. Энди ёш футболчилар пойтахт миқёсидаги баҳсларда ғолиблик учун кураш олиб борадилар.
