Фарғонада даҳшатли ёнғин содир бўлди: қурбонлар бор
Дастлабки маълумотларга кўра, 3 та машина бутунлай ёниб кетган.
Фарғона вилоятининг Ёзявон туманида йирик ёнғин содир бўлди. Бу ҳақида ФВВ ахборот хизмати хабар берди.
Қайд этилишича, 16 июнь куни соат 22:16 да Ёзявон тумани “Сой бўйи” МФЙ ҳудудида автомобиль ёнаётганлиги тўғрисида хабар келиб тушган.
Хабарга асосан, қутқарув бўлинмалари тезкорлик билан воқеа жойига етиб бориб, ёнғинни бартараф этишган.
Дастлабки маълумотларга кўра, “Сой бўйи” МФЙда жойлашган нотурар қаровсиз бинонинг 60 квадрат метр майдони ва 3 та автомобиль ёниб зарарланган.
Ҳодиса оқибатида 2 нафар фуқаро ҳалок бўлган, 3 нафар фуқаро эса турли даражадаги тан жароҳатлари билан шифохонага юборилган.
Воқеа жойига вилоят ФВБ раҳбарияти, туман ФВБ масъул ходимлари ва ҳамкорликдаги хизматлар масъуллари чиқишган.
Айни пайтда ёнғин сабаби ва зарари аниқланмоқда.
