Инвестиция форумида “Ўрта коридор” келажаги муҳокама қилинмоқда
Халқаро форумда сўзга чиққан маърузачилар “Ўрта коридор”ни ривожлантириш нафақат минтақа учун, балки халқаро ҳамжамият учун муҳимлигини айтмоқда.
V Халқаро Инвестиция форумида “Ўрта коридорни ривожлантириш” бўйича учрашув бўлиб ўтмоқда. Бу ҳақда Zamon.uz мухбири Шоҳжаҳон Мажидов воқеа жойидан хабар бермоқда.
Маърузачиларга кўра, бу коридор Ўзбекистонни денгизга чиқиш имкони бўлмаган мамлакатдан иқтисоди ривожланган мамлакатлар қаторига олиб чиқади.
Мазкур коридорга ҳозирги вақтда инвестор мамлакатлар томонидан миллиардлаб доллар жалб қилинган.
Бошқарувчи директор Даррен Спинкнинг айтишича, мазкур коридор Ўзбекистон учун ҳам иқтисодий, ҳам стратегик жиҳатдан муҳим ҳисобланади.
Унинг айтишича, мазкур коридорни ривожлантириш учун дастлаб Навоий вилоятини ривожлантириш керак. Чунки вилоят мамлакатлар ўртасидаги муҳим бўғин ҳисобланади.
Маърузачиларга кўра, “Ўрта коридор” нафақат Марказий Осиё учун, балки бутун халқаро ҳамжамият учун муҳим ҳисобланади.
Жаҳон банкининг Марказий Осиё бўйича мутахассиси Winnie Wang Wei нинг айтишича, минтақа мамлакатлари чегараларидаги маълумотлар алмашинувидаги камчиликлар бу коридорнинг ривожланишига салбий таъсир қилмоқда.
