Самарқандда МИБ орқали қидирувдаги Tracker-2 топилди
Маълум бўлишича, фуқаронинг банкдан 220 миллион сўм қарзи бўлган.
Мажбурий ижро бюроси Самарқанд вилоят бошқармаси Қидирув шўъбаси ходимлари томонидан ўтказилган навбатдаги тезкор қидирув тадбири давомида қарздорлик бўйича қидирувда бўлган гаровдаги автотранспорт воситаси аниқланди.
Ижро ҳужжатларига кўра, қарздор шахсдан “Капиталбанк” АТБ фойдасига 220 миллион сўм қарздорликни ундириш белгиланган. Суд ҳужжати ижросини таъминлаш мақсадида унга тегишли бўлган гаровдаги “Tracker 2” русумли автотранспорт воситасига қидирув эълон қилинган эди.
Тезкор тадбирлар жараёнида мазкур автомашина узоқ вақт давомида кўздан панада сақлаб келингани маълум бўлди. Хусусан, транспорт воситасини бир йилдан ортиқ муддат давомида қўшнисининг хонадонида яширишга урингани аниқланди. Бироқ олиб борилган изчил қидирув ишлари натижасида автомашинанинг жойлашув ўрни аниқланди.
Қидирув ходимларининг тезкор ва мувофиқлаштирилган ҳаракатлари натижасида автотранспорт воситаси хатланиб, вақтинча сақлаш учун жарима майдончасига жойлаштирилди.
Айни вақтда ижро ҳужжатлари талабларини таъминлаш ҳамда қарздорликни ундириш бўйича тегишли ижро ҳаракатлари давом эттирилмоқда.
Қидирув ходимларининг тезкор ва мувофиқлаштирилган ҳаракатлари натижасида автотранспорт воситаси хатланиб, вақтинча сақлаш учун жарима майдончасига жойлаштирилган.
Айни вақтда ижро ҳужжатлари талабларини таъминлаш ҳамда қарздорликни ундириш бўйича тегишли ижро ҳаракатлари давом эттирилмоқда.
