Тошкентда кучли жала сабаб айрим кўчаларда сув тўпланди
Тошкент шаҳар ҳокимлиги кучли жала оқибатлари бўйича маълумот берди.
Тошкент шаҳрида кузатилган кучли жала ва довул оқибатида айрим кўча ҳамда йўлларда вақтинчалик сув тўпланиши ҳолатлари юз берди. Бу ҳақда пойтахт ҳокимлиги маълум қилди.
Қайд этилишича, ҳодиса юзага келган илк дақиқалардан бошлаб барча тегишли коммунал ва махсус хизматлар кучайтирилган тартибда иш олиб борган. Сув босган ҳудудларда сувни четлатиш, ёмғир суви оқова ва дренаж тармоқларини тозалаш, шунингдек, транспорт ва пиёдалар ҳаракати хавфсизлигини таъминлаш бўйича зарур чоралар кўрилган.
Ҳокимлик маълумотига кўра, ҳозирги вақтда сув тўпланиши билан боғлиқ асосий ҳолатлар бартараф этилган. Шу билан бирга, масъул хизматлар вазиятни мониторинг қилишда давом этмоқда ва зарурат туғилганда қўшимча чоралар кўрилади.
Таъкидланишича, юзага келган ҳолатлар кучли жала ва довул билан боғлиқ табиий омиллар оқибатидир. Пойтахт аҳолиси ва меҳмонларидан эҳтиёткор бўлиш ҳамда ўзлари ва мол- асраш сўралган.
