Самарқандда ноқонуний қурилган дўкон олиб ташланди
Ҳудуд МИБ орқали тўлиқ бўшатилиб, белгиланган тартибда фойдаланиш учун қайта тикланган.
Самарқандда фаолият олиб борган Smart савдо дўкони ноқонуний тарзда ўрнатилганлиги маълум бўлди.
Мажбурий ижро бюросининг Самарқанд шаҳар бўлими томонидан суд ҳужжати ижросини таъминлаш юзасидан навбатдаги мажбурий ижро ҳаракатлари амалга оширилди.
Ижро ҳужжатига асосан, қарздор Д.И. томонидан ноқонуний равишда ўрнатилган қурилма контейнерни олиб ташлаш ва эгаллаб олинган ҳудудни бўшатиш белгиланган эди. Суд қарори талаблари ихтиёрий равишда бажарилмаганлиги сабабли давлат ижрочилари томонидан тегишли ташкилотлар вакиллари иштирокида мажбурий ижро ҳаракатлари ўтказилди.
Натижада ноқонуний ўрнатилган қурилма контейнер олиб ташланиб, ҳудуд тўлиқ бўшатилди ҳамда белгиланган тартибда фойдаланиш учун қайта тикланди.
