Жиззахда солиқ қарзи сабаб фермернинг машинаси хатланди
Энди қарздорлик бартараф этилмаса, машина аукционда сотилади.
Мажбурий ижро бюросининг Пахтакор туман бўлими иш юритувида фермер хўжалигидан солиқ қарздорлигини ундириш тўғрисидаги ижро ҳужжати бўйича ижро ҳаракатлари олиб борилди.
Олиб борилган мажбурий ижро чоралари давомида қарздор томонидан қарздорлик ихтиёрий равишда қопланмаганлиги сабабли, унга тегишли бўлган автомашина аниқланиб, белгиланган тартибда хатловга олинди.
Мазкур ижро ҳаракати қарздорликни ундириш ва суд ҳужжатлари ижросини таъминлаш мақсадида амалга оширилди. Қарздорлик белгиланган муддатда қопланмаган тақдирда, хатловга олинган мол-мулкни реализация қилиш орқали қарзни ундириш чоралари кўрилади.
