Муғом санъати миллий ўзликни мустаҳкамловчи бебаҳо мерос — Адил Каримли
Озарбайжон маданият вазири Адил Каримли III Халқаро Мақом санъати форуми доирасида ташкил этилган илмий-амалий конференцияда маъруза қилди.
24 июнь куни Озарбайжон Республикаси маданият вазири Адил Каримли Наманган шаҳрида ўтказилаётган III Халқаро Мақом санъати форуми доирасида “Шарқ мақомининг янги тенденциялари: анъана ва инновациянинг ўзаро алоқадорлиги” мавзусидаги халқаро илмий-амалий конференция иштирок этди.
Мазкур анжуманда ўз маърузасида Адил Каримли муғом санъатининг халқнинг миллий-маданий ўзлигини шакллантириш ва мустаҳкамлашдаги алоҳида аҳамиятига тўхталди.
Вазир Озарбайжон Президенти Илҳам Алиев томонидан мамлакат маданияти, хусусан, муғом санъатини ривожлантириш ва кенг тарғиб этишга доимий эътибор қаратиб келинаётганини таъкидлади.
Шунингдек, Озарбайжон Республикасининг Биринчи вице-президенти Меҳрибан Алиева раҳбарлигидаги Ҳейдар Алиев Фоундатион томонидан муғом санъатини асраб-авайлаш, уни халқаро миқёсда оммалаштириш ва ёш авлодга етказишга қаратилган қатор маданий лойиҳалар амалга оширилаётгани қайд этилди.
Таъкидланишича, бундай халқаро форумлар мақом ва муғом каби ноёб мусиқий меросларни илмий ўрганиш, тажриба алмашиш ҳамда маданий алоқаларни мустаҳкамлаш учун муҳим майдон вазифасини ўтамоқда.
